شانۆکار بەکر مەحمود: ئەگەر کەوسەر نەبوایە ئێمە بەو چیرۆکەمان نەدەزانی
شانۆکار بەکر مەحمود لەبارەی نۆڤلێتی «من لەماڵی سەرۆک بووم» نووسیویەتی: گەڕان بەدوای [خود] دا وەك چەمکێکی فەلسەفی لەشوێنەوە بۆ ناشوێن . بەر لەدۆزینەوەی خودو مانا شاراوەکانی لەنێوان دیارو نادیاردا ، گەڕانە بەدوای شوێندا، گەڕانە بەدوای خودی نوسەردا ، کەڕۆژنامەنوسێکە لە پەناهندەییدا گرێچنی کات دەکات لەنێوان خۆرو مانگ و دەریاو شەوانی تەنیاییدا ، بەزمانێکی سادەوکوردیەکی جوان و ناوەرۆکێکی ناسکی پڕ لەئەڤین و کۆتاییەکی پڕ لەتڕاژیدی ، وەك زۆر لەنوسەرە دیارەکان ، پێویستە بەدوایدا بگەڕێیت ، ئەو تەنها نیشانت دەداو پێت ناڵێ [ show me dont tell me ] ئەو چیرۆکی ئوتێلەکەمان پێ ناڵێ، لەسەر زمانی کەوسەرەوە ، دەزانین چی گوزەراوە ، کوڕی سەرۆکی حزب دەستی لەگەڵ بازرگان و مافیاکانی ئیتاڵیاو ئەڵمانیاو فەرەنسا تێکەڵ کردووە بۆ گرتنی ، بەڵام [ کەوسەر] ێکی خانمی مانتۆیی لەشفرۆش دەیەوێ دەربازی بکات ، کۆتایی نۆڤلێتەکەی بەو دەسپێرێ تاتەواوی بکات ئەگەر ئەو کەوسەری ئاوی حەیاتە نەبایە ئێمە بەو چیرۆکەمان نەدەزانی !!..
